Ásahit ruvkedoaimma
12 olbmo dollet ortnegis Mátta-Várjjat ruvkki ja sii leat maid ohcamin lobiid ja doaibmalobiid álggahit ođđa ruvkedoaimma. Vaikko hattit leat loktanan maŋŋá go fitnodat reastaluvai, de ii leat ruvkedoaibma lahka álggi. Beaivválaš jođiheaddji Peter Steiness Larsen lohká ahte vel unnán buvttadeamige eai sáhte álggahit ovdal unnimusat njeallje mánu geažes. Sii sávvet oažžut lobi jođihit málmma mii lea juo buvttadanláhkkái, muhto dalle sii dárbbašit doaibmalobi dahje sierralobi.