Ásahit heahteparagráfa
Jus lea bággu, de áigu ráđđehus ásahit heahteparagráfa, nu ahte sáhttet hilgut dorvoohcciid geat vigget boahtit Norgii Ruoŧa bokte, ráji bokte, dieđiha sisafárrejeaddjiministtar Sylvi Listhaug. Sii fertejit vuordit dan vearrámusa. Sii eai sáhte šaddat seamma dillái go Duiska ja Ruoŧŧa, ja jus lea bággu, de sii fertejit čavget sisafárrejeaddjipolitihka vel eanet, dadjá Listhaug NRK:i. Bearjadaga čielgái ahte Ruošša eiseválddit hilgot váldit vuosttá dorvoohcciid geat eai beassán Norgii Storskog bokte. Politiija olgoriikaoktavuohta oaččui dieđu dán birra media bokte. Listhaug hilgu ahte dilli lea moivvas.