NRK Meny
Normal

Árvvoštallet ovttasbarggu

Fargga galget Romssa suohkan ja Sámediggi doallat čuovvolančoahkkima ovttasbargošiehtadusa birra maid vuolláičálle mannen čavčča. Ovdal dan dáhttu earret eará Sámediggi gullat sápmelaččain lea go šiehtadus doaibman.

Laila Susanne Vars og Jens Johan Hjort
Foto: Merk Ledingham / Tromsø kommune

Sámediggeráđđi Ann-Mari Thomassen lohká dárbu árvvoštallat šiehtadusa ja gullat movt olbmot vásihit dán šiehtadusa.

– Dat lea buorre šiehtadus ja dássážii lea máddái buorre oktavuohta leamaš gaskal Romssa suohkana ja Sámedikki. Mii doaivut ja sávvát ahte mii vel buoridit dan oktavuođa, dadjá son.

Vuolláičállui 10 mánu áige

Dát ovttasbargošiehtadus vuolláičállui 10 mánu áigge ja maŋŋebárgga de bovde Gáisi giellaguovddáš ja Sámediggi sámi organisašuvnnaid, sámi álbmoga ja eará berošteddjiid rabasčoahkkimii, gos de ságastallet ovttasbargošiehtadusas mii vuolláičállui golggotmánus mannan jagi.

Beaivvi maŋŋá deaivvada Sámediggi Romssa suohkanbunnožiiguin ges šiehtadusa ektui, juoga maid galget jahkásaččat dáhkat. Lea guhkes geaidnu leamaš dien vuolláičállimii, go ollugat cakkadedje dan, maiddái Romssa suohkanpolitihkkárat. Dál geahčalit rabasčoahkkimis gávnnahit mo šiehtadus lea doaibman ja mii ii doaimma, ja gokko lea buoredanmunni.

Árja Sámediggeáirras Lars Oddmund Sandvik ássá Romssas ja son ii vuohte gal ahte šiehtadus doaibmá. Son vuolgá dien deaivvadeapmái ja sávašii ahte Sámediggeráđđi muitalivččii áirasiidda dán birra.

  • Guldal ášši:
    Árvvostallet ovttasbarggu