Dál ávžžuha festivála bargi, Stian Eliassen, váldit biktasiid mielde mat heivejit juohkelágan dálkái.
Dálki ii baldde
– Mii han orrut Finnmarkkus, nu ahte mii avžžuhat olbmuid váldit iešguđetlágan biktasiid mielde.
lea okta dain stuorámus festiválain Davvi Norggas, ja doppe galget čuojahit beakkán násttit nugo Mari Boine ja ruoŧa musihkkajoavku Kent.
2005:s šattai festivála bissehit konseartta garra arvvi geažil. Muhto dál lea festivála rahkánan bures jus dálkedieđáhus doalaš deaivása, muitala Eliassen.
Baicce eanet olbmot
Eliassen ii jáhke arvvi baldit olbmuid boahtemis festiválii, go sii leat rehkenastán ahte dán jagi bohtet ollu eanet olbmot go diibmá. Dalle ledje boahtán badjel 11.000 olbmo.
– Dan golbma maŋimus vahku leat mii vuovdán olu eanet billeahtaid go diibmá.