NRK Meny
Normal

Árrat iđit lihkkan čiŋadit skuvlii

Mailinn ja Marte lihkkaba ovdal beaivváža odne vuoi olleba gávtti coggat skuvlii, muhto lihkká maŋŋoneaba.

Mailinn Anti Eira ja Marte Anti čiŋadeaba gávttiin skuvlii.

GÁKTI: Marte Anti ja Mailinn Anti Eira činjadeaba gávttin sámi álbmotbeaivvi. Govvidan/čuohppan: Henriette Johnsen Joks

Mailinn Anti Eira (18) ja Marte Anti (18) čiŋadeaba gávttiin sámi álbmotbeaivvi. Soai deaivvadeaba Mailinn luhtte ja čiŋadeaba ovttas vai beassaba veahkehit nubbi nuppi.

Marte muitala ahte son lea jo beal guđa áigge lihkkan vel beassá vuoiddadit amadaju ovdal go Mailinn lusa manná.

Čohkkomin vuovttaid

Marte čohku Mailinn vuovttaid.

Foto: Henriette Johnsen Joks / NRK

– Dáid maŋimuš jagiid lean álgán coggat gávtti juohke sámi álbmotbeaivvi, dadjá Mailinn. Su mielas lea gákti dat buot fidnásamos maid coggat sáhteš.