Hopp til innhold

Vujii 15 diimmu ollet erenomaš festiválai

Váikko Ankarede-meassuid dávjá gohčodit "festiválan", de doppe eai leat seamma fálaldagat go eará festiválain.

Ammon Piera Nystad

Ammon Piera Nystad vujii 15 diimmu ollet festiválai.

Foto: Privat

Ammon Piera Nystad (23), lea davvisápmelaš Kárášjogas eret. Son lei ovddit vahkkoloahpa Ankarede meassuin, ja vujii iežas olbmáiguin 15 diimmu biillas ollet meassuide.

Ankarede

Ammon Piera Nystad dánssas Ankaredes.

Foto: Privat

Eai lean alla vuordámušat

Sus eai lean alla vuordámušat, muhto illudii deaivvadit ja oahpásnuvvat ođđa olbmuiguin.

Go ollii Ankaredii son jierásnuvvái veahá go eai oidnon olbmot, son ii lean ipmirdan ahte campa lei vuovddi siste. Su mielas ledje hui somás meassut, ja dadjá ieš ahte dánsa lei buot somámus. Vaikko lei somá son rievdadivčče moadde diŋgga boahtte jahkái.

– Livččen várra váldit eanet stuoluid mielde, eanet borramuša, diekkár maid ii dárbbaš bassit. Okta diŋga vel, dat fertejit koartta váldit boahtte jagi, go mis ii lean ruoŧa ruhta mielde, dadja Nystad.

Su mielas lea riekta ahte meassu gohčoduvvot festiválan, vaikko eai leat seamma fálaldagat go eará festiválain. Dadjá maid ahte lea somá go nuorat iešguđetge guovlluin sámis besset čoahkkanit ja oahpásmuvvat.

Ungdom griller på Ankarede

Dás leat nuorat maid čoahkkanan Ankaredii.

Foto: Simon Piera / NRK

Eará go dábálaš festivála

Nystad muitala son lea leamašan olu festiválain, ja oaivvilda meassu Ankaredes lea somá go lea erenomaš.

– Eará festiválain lea diekkár albma tiibmoplána – don fertet dán bargat dál ja duon bargat dál – muhto doppe, doppe galggat beare háleštit olbmuin ja oahpásmuvvat olbmuin.

Dadjá ieš ahte lei somás vásáhus, ja son hástala eará nuoraid maid finadit dáid meassuin.

– Mun vuolggášin nuppes, dadja Nystad ja ávžžuha maid eará nuoraid davvin vuolgit mielde boahtte jagi.

Korte nyheter

  • Njálat lassánit Davvi Riikkain

    Njálla lei measta oalát jávkamin Davvi Riikkain, ja maŋimuš jagiid leat iešguđetge doaimmaid bokte geahččalan gádjut njála.

    Dál oidnet dutkit ahte njálat lassánit.

    – Ruoŧas leat dán geasi leamaš 19 bessema, Norggas 16, ja Suomas gis lea njálla bessen vuosttas geardde 25 jahkái.

    Nu muitala dutki David Bell. Son jođiha dutkanprošeavttaid, maid earret eará Eurohpá uniovdna lea ruhtadan.

    Dáid gaskkas prošeavttat nu go Felles Fjellrev Nord I ja II.

    Sii geat barget dáid prošeavttain leat earret eará biepman njálaid, ja báhčán riebaniid duoddariin.

    Bell lea ilus go prošeakta lea lihkostuvvan bures, čállá SVT Norrbotten.

    fjellrev
    Foto: Craig Jackson / NINA
  • Kárášjoga ovdagoddi dáhttu su direktevran

    Ovttajienalaš ovdagoddi Kárášjogas dáhttu Inger Eline Eriksen Fjellgren ođđa gielddadirektevran Kárášjohkii.

    Fjellgren lea dál Deanu gielddadirektevra.

    Vaikko dán virgái ledje moadde ohcci, de lea ovdagoddi dušše Fjellgren evttohan virgái.

    – Sis ledje buori ohccit dán virgái, ja son lea hui ilus go sii besset evttohit Fjellgren ođđa direktevran, lohká Kárášjoga sátnejođiheaddji, Svein Atle Somby, NRK Sápmái.

    Kárášjoga gielddastivrra mearrida áššis juovlamánu gaskamuttus.

    Fjellgren, guhte lea eret Kárášjogas, dáhtošii fárret ruovttugildii go bearaš ohcala stuorát fierpmádaga.

    Inger Eline Eriksen Fjellgren i vrimlehallen i Stortinget
    Foto: Dan Robert Larsen / NRK
  • Enstemmig innstilt som kommunedirektør i Karasjok

    Formannskapet i Karasjok har i dag enstemmig innstilt Inger Eline Eriksen Fjellgren til stillingen som kommunedirektør.

    Det bekrefter ordfører i Karasjok Svein Atle Somby til NRK.

    Fjellgren er i dag kommunedirektør i Tana, der hun blant annet har hatt som oppgave å rydde opp etter den største korrupsjonssaken i en nordnorsk kommune.

    Fjellgren, som er fra Karasjok, har tidligere uttalt at hun ønsker seg til hjemkommunen fordi familien trenger et større nettverk.

    Kommunestyret i Karasjok behandler formannskapets innstilling i midten av desember.

    – Det er ikke lett å finne slike gode kandidater, og jeg er glad for at vi har kunnet innstille Fjellgren til denne stillingen, sier Somby.

    Kommunedirektør Inger Eline Eriksen Fjellgren i Tana
    Foto: CHRISTIAN KRÅKENES / NRK