NRK Meny
Normal

Anja Storelv ođđa CDain bargamin

Skánitlaš Anja Storelv lea bargamin ođđa CD:n. Dán lea badden Guovdageainnus.

Anja Storelv
Foto: Thoralf Balto / NRK

Son muitala áigá juo gárvvistan lávlagiid ja luđiid, muhto easka dál lea daid bidjamin CD:ii. Iežas muitala čállán buot teavsttaid, earret ovtta. Teakstačállima muitala leat áddjás bargun, eai sus ainnat boađe sánit goas beare. Dat bohtet jos bohtet, ii ábut gáibidit sániid boahtit.

Ođđa CD:s eanaš etnalaš musihkku

CD:s leat oktanuppelot lávlaga ja luođi. Muhtin lávlagiin barge hui jođánit, ja earáin ges ádjánedje oalle guhká.

Dán CD:s lea etnalaš musihkka hápmi. Storelv lohká dáinna CD:ain lean váddáseabbon bargat, godáinna ovddit CD:ain.

Boahtte jagi guovvamánus áigot sii almmuhit ođđa CD:a, muhto eai dieđe vuos gos sii dán almmuhit.

Son lea skánitlaš gii orru Lulejus

Anja Storelv lea riegádan Skániin, muhto orru dál Lulejus Ruoŧas. Doppe dovdá iežas bures váldon vuostá Lulejuju sámiid gaskkas.

Suinna deaivvadii Giron Sámiradio bargi Johnny Skoglund.