Ambulánsafálaldat soaitá unnut
Davvi-Norgga Universitehta buohcciviessu Romssas, ferte seastit 170 miljon kruvnnu, ja nu sáhttet gártat geahpedit ambulánsafálaldagaid fylkkas.
Hovdengoddi dáhttu dál áddejumi stivrras ahte ambulánssaid gearggusvuođaáiggit sáhttet maid rievdat.
Davvi-Norgga Universitehta buohcciviesu direktevra Tor Ingebrigtsen lohká ahte muhtun ambulánsastašuvnnat soitet heaittihuvvot. Buohcciviesu stivra gieđahallá ášši juovlamánu10. beaivvi.