NRK Meny

Áltápárra terrorgávpogis

Álttá párra Gunnvei Magnussen ja Steinar Rapp, geat leaba geasseluomus Nice-gávpogis, eaba diehtán maidege terrordagus mii ikte eahkes lea dáhpáhuvvon 100 mehtera eret dan baikkis gos soai leaba idjadan.

–Munnuin manná bures, muhto munno telefovdna lea čuodjan ija miehtá, muitala Steinar Rapp, NRK:i. Dalle go moai lihkaime iđđes de oinniime ahte ollugat leat riŋgen, ja munnuide ledje ollugat sádden SMS-dieđuid. Dieđut dieđušge muosehuhte veaháš go gulaime mii lea dáhpáhuvvan, muhto munnuin gal manná bures, dadjá Áltálaš Steinar Rapp.