Masá 90 luođi golmma CD-skearrus
Otne dat almmustahttet 14 juoigi luohte-CDaid main leat 90 luođi. Kirste Máret Olsen dat álggahii juoigan ja máinnastan prošeavtta, mas lea leamaš mihttun čohkket dološ luđiid ja seammas ráhkadit ođđa luđiid. Njeallja buolvva leat dán prošeavttas leamaš mielde, ja otne almmustuvvá vuosttaš CD "Máttuid suotnjarat", ja dás leat golbma cd-skearru.
Ođđa vuogiin oahppat luđiid
Dán áigge ferte geavahit eará vugiid oahpahit nuoraid juoigat. Danne leat ferten čohkket njeallja buolvva fulkkežiid juoigandeaivvademiide. Dán áigge ii leat šat nu go ovddeš áigge, dalle deaivvadedje ja juoiggadedje giettis ládjobargguin. Ja go juo eai šat leat ládjobarggut mat čohkkejit olles soga ovtta sadjái, na de ferte daid eará vugiin čohkket. Nu leatge sis leamaš deaivvadeamit gos leat juoiggadan ovttas, muitala juoigiid ovddasteaddji Berit Alette Mienna. Ja de leatge dát deaivvadeamit buktán bohtosiid, go vuosttaš luohte CD:as, mii otne almmuhuvvo, das leat lagabui 90 luođi. Sihke dološ-, dálá ja maiddái ođđa luođit. CD-almmuheapmi konsearttain lea Jergulis otne eahkedis.