Siri Broch Johansen 47 jagi boaris. Son lea bajášaddan Deanus, ja son lea sámi girječálli, drámatihkkár, giellabargi ja son lávlu maid. Alddis muitala leat oahpaheaddji-oahppu, ja lassin lea son vel lohkan sámegiela gaskkafága dássái.
Nuorran juo čálligođii
1992:s almmustuvai su vuosttaš girji, ja dat lei dárogillii, "Opp av brønnen", dát lea diktagirji. Vihtta jagi maŋŋil de almmustuvai sus girji "Mii leat ain dás", ja dat lea oahppugirji davviguovlluid eamiálbmogiid birra. Son lea maid leamaš mieldčállin Sámi skuvllahistorjjá girjjiin. Ja 2010s almmustuvai sus "Sara beaivegirji".
Ođđa girji álmmustuvvá farga
Dál dán mánus de almmustuvvá sus girji man namma lea "Mun lean čuoigi". Das lea sáhka nuorra gánddas, gii lea ráhkásmuvvan. Dát lea nuoraidgirji.
Gula dás maid son muitala