Romána lea Ánná birra gii ii beassan nieguidis čađahit nuorran. Sus lei miella vázzit buohccedivššárskuvlla, muhto su áhčči, giehmánni, ii hálidan dan. Ánná šattai váldit badjelasas gávppi. Son náitalii ránnjá bártniin, Biehtáriin. Dása liikui su áhčči.
Dál lea Ánná boarásmuvvan ja muittohuvvan. Son lea báhcán okto, eai ge olbmot šat gallet su. Ánná áhkku earáhuvvá olmmožin. Nie čállá lágádus Davvi Girji, mii lea almmuhan Jovnna Ándde Vest girjji "Goldnan golleguolbanat".
Girji heive sihke nuoraide ja ollesolbmuide.
Čállá olbmos gii lea boarásmuvvan ja muittohuvvan
Sisdoallu lea boares olbmuid birra geat leat báhcan smávva gilážiid, ja mo dat ealas golle báiki lea goldnan, muitala Jovnna Ánde Vest. Smávva gilážat guorranit dannego boarrásat dađistaga jávket, ja gilážat guorranit.
Dát girji lea sus čihččet girji maid almmuha. Son čállá Pariissas gos son juo ássan badjel 30 jagi.
Girjji almmuhii Sámedikki girjerádjosis skábmamánu 17. beaivvi.