Almmuhan jávkan albmá nama
Almmái, gean leat ohcamin Guovdageainnus Davvi-Norggas lea 48-jahkásaš Anders Nils Sokki. Dan almmuha Oarje-Finnmárkku politiija. Dál leat politiijat bissehan ohcama oanehaš áigái, go leat ohcan dain báikkiin gosa almmái lei mannan oaggunmátkái ovddit mánnodaga. Guovllu leansmánni Øyvind Lorentsen lohká sin ain dutkamin ášši vaikko leat váldán bottu ohcamiin.