Váikke ieš leage čállán girjji, ja maiddái jorgalan iežas girjji dárogillii, de dattege ii loga iežas leat girječállin. Eira Murud muitala čállán dieđuid alccesii, muhto de šadde nu olu dieđut ahte gávnnahii de buoremussan fállat iežas giehtačállosiid ČálliidLágádussii. Doppe válde bures vuostá dáid, ja almmustahtte girjji sámegillii. Dál lea girji maid almmustuvvan dárogillii.
Lei vajáldahttigoahtán dološ árbevirolaš áššiid
Marit Mikkelsdatter Eira Murid girji Jahki Sámis dárogillii
Foto: ČálliidLágádusMarit Mikkelsdatter Eira Murud lea Guovdageaidnolaš. Son lea vázzán poletiallaskuvlla, ja lea maid bargan leansmánnebálván. Lea Sámedikki hálddahusas bargan, ja bargá dál konsuleantan Sámi Allaskuvllas Guovdageainnus.
Jagit maid lei eret sámi guovddášguovlluin dagahedje su geafin sihke gielas ja árbevieruin, danne lohkagođii son sámegiela, ja seammás maid ohcagođii árbevirolašdieđuid maid lei vajaldáhttán. Ii son lean gal girjin jurddašan dáid dieđuid, muhto girjin dat šattai, go ČálliidLágádus almmustahtii su dieđuid vuos sámegillii ja dál vel dárogillii.
