Ášši doaimmaha Harrieth Aira
Divttasvuonas ii leat dábálaš ja lunddolaš sadji juovllamurrii go ávvudit juovllaid. Vuosttas deaivvadeapme juovllamuorain šattai issoras dáhppáhussan smávva ganddažii. Dan vásihii Anders Kintel dás 4-50 jagi áigi go lei smávva ganddaš.
Iežas muitala Anders Kintel riegádan ja bajásšaddan Moskkiin, dát lea unna gilaš. Ja doppe ii lean gal vierrun čiŋahit juovlamuora. Sii fárrejedje Gásluktii, ja doppe lei stuorra skuvla.
Dán skuvllas lei stuorra lašmmohallanlatnja. Son muitá iežas oktii juovlamánus áican ahte dán lanjas lei čuovga, son diehtalasat fertii vuolgit guovllasit dán latnjii. Doppe fuomášii son albmá ákšuin, ja láhtis lei stuorra guossa.
Son hirpmástuvai ja maiddái ballái, son áinnat navddii dát almmái lei jirpmiid massán, go dákkáraš stuorra muora lei geassán dállui. Son gal ballái.
Maŋŋá go dán juovlamuora čiŋahedje, de son easka áddegođii mii diet lei.
