Rolf E.Mienna Álit Boazu joavkku lávlu.
Foto: Govven: Lill-Therese Holm VarsiAlit Boazu čuojahit alternatiiva rocka, ja sin lávlagat leat sámegillii. 6 bártni, viđas dain sápmelaččat gullet Alit Boazu jovkui. Sii leat eret Ivggus, Gáivuonas ja Ráissas. Bártnit háliidit musihkain ovdánahttit sin mearrasámi kultuvrra ja identitehta. Sii čuojahit aivve fal musihka maid ieža leat ráhkadan.
Gula: Go muitala ákkaid manne guldaleaddjit galget sin jienastit.
Joavkku miellahtut leat Ørjan Garfjell - Gitára/koara, Halvard Rundberg - Gitára/koara, Rolf E. Mienna – lávlu, Øystein Karlsen – Bássa, Herman Rundberg - Keyboarda/koara ja Magnus Tornensis - Rumbbut
Historjá: Joavku álggahuvvui 2004:is, das rájes leat sii čuojahan olu festiválain nu go earret eará Riddu Riđđus, Døgnvill-festiválas, by:larm:as ja olu eará. Joavkku mielláhtut leat maid eará joavkkuin čuojan, ja čuojahit.
Dan jagi Beassášfestiválas Guovdageainnus almmuhedje sii sin vuosttáš EP mas lea namma “Čohkket”. Das leat guokte lávlaga “čohkket” ja “lahppon”
Daid beivviid leat sii gárvemin iežaset vuosttáš CD skearru maid sii áigot almmuhit geasi mielde jus nu heive.
