NRK Meny
Normal

Alit Boazu

Alit Boazu joavku boahtá Gáivuonas Tromssa filkkas. Dan guđa lahttus leat viđas sápmelaččat, ja sii leat sogalaččat eará sámi artisttaide.

Alit Boazu "Čohkket"

Alit Boazu
Foto: Govven: Ánne Mággá Wigelius

Dá leat Alit Boazu:

  • Rolf Erling Mienna - Lávlu
  • Ørjan Garfjell - Gitára
  • Magnus Tornensis - Rumbbut
  • Halvard Rundberg - Gitára
  • Øystein Karlsen - Bassa
  • Herman Rundberg - Synthersizer

Gula Alit Boazu joavkku birra

Alit Boazu almmuhii 2008 beassážiid cd-singela mas leat guokte lávlaga, "Čohkket" ja "Láhppon". Sii ožžo Sámedikkis 55.000 ruvdnosaš doarjaga cd-almmuheapmái.

Magnus Tornensis, Halvard Rundberg ja Rolf Erling Mienna
Foto: Erlend Leithe / NRK

Rolf Erling "Roffen" Mienna lea joavkku lávlu. Sus leat moadde artistta-fuolkki geaid olbmot soitet dovdat; su eanu lea John Henrik Mienna (gean oallugat lávejit háliidit gullat Ávvudanbottus Sámeradios). "Roffen" dadjá ahte mánnán lea gullan ednos lávlume, ja soaitá dat dagahan ahte ieš nai lávlugođii. 2008 beassážiid báitigođii ođđa násti Roffena sogas. Janne Eilen Mienna Guttorm gii šattai nubbin dán jagáš Sámi Grand Prix lávlungilvvus lea su vuosttaš oambealli.

Alit Boazu nubbi gitaristta lea Ørjan Garfjell. Son lea muitala ahte su áidna artistta-fuolki lea su oabbá Karoline. Karoline beasai gitta gaskavuoruide TV2 Idol gilvvus 2004s. Son vuoittahalai earret eará Margareth Bergerii. Dien jagi vuittii Kjartan Salvesen Idol gilvvu.

Alit Boazu rumbočuojaheaddji lea Magnus Tornensis lea ovddeš nealgudeaddji ja juoigi Nils Magnus Tornensis bárdni. Áhčči muitala ahte bártnáš lávii juoigat measta ovdal go vázzigođii. Muhto, Magnusa eanemus beakkán artistta-fuolki lea várra su áhči čeahci Wimme Saari. Ja vel somás dihte; Mánáid-TV Ingir lea su goalmmádin oambealli.

Herman ja Halvar Rundberg
Foto: Lill-Therese Holm varsi

Joavkkus leaba vel guokte vieljažaga, Herman ja Halvard Rundberg. Loga sierra artihkkala dán bearraša birra.