NRK Meny

Alimusrievtti duopmu bearjadaga

Dán bearjadaga celko jáhku mielde Alimusrievtti duopmu Finnmárkku opmodaga ja Unjárgga gilisearvvi áššis. Alimusriekti galgá cealkit lea go Unjárgga gilisearvvis vuoigatvuohta mearredit luondduviđá resurssaid badjel iežaset guovllus. Dát attášii báikegotti olbmuide vuoigatvuođa mearredit earet eará bivddu, guolásteami ja murjema badjel eatnamiin mat dál gullet Finnmárkku opmodahkii.