Hopp til innhold

Duolva Duottar álggahii riemuid

Duolva Duottar vuittii Mufistar 2007 ja sii birgejedje bures TV 2 "Norske talenter"-gilvvuin. Ikte sii čuojahedje Skiippagurrariemuin.

Duolva Duottar

Duolva Duottar geasuha ollugiid dán áigái.

Foto: Rolf Jakobsen

Skiippagurrariemuid rahpaneahkedis ledje nuoramus ártisttat beassan čájehit máhtolašvuođaset lávddi alde. Stuorámus beroštupmi lei diehttelasat guovdageaidnolaš sáŋggáriidda, Duolva Duoddarii.

Muđuid čuojahedje nuorra lohpádusat nugo Heika & the Paranoids, Metaphysic, Astatines, Burka Brothers, Orphan’s Call ja The BlackSheeps. Eahkeda konsearttaid loahpahii Valkyrien Allstars.

Báhccavuona joavku Astatines oaččui konsearttaid oktavuođas Mufi-stipeandda. Dán juohká Musikk i Finnmark (Mufi) ja stipeandda sturrodat lea guoktelotduhát ruvnnu.

Gula Astatines musihka

Astatines

Báhccavuona joavku Astatines.

Foto: Kaspar Fuglesang

Stuorra joavkkut

Unjárgga joavku The BlackSheeps čuojaha maid otne eahkedis eambbo dovddus joavkkuid searvvis.

Otná eahkeda váldonamat leat Raga Rockers ja Adjágas. Lávddi alde leat maid Moving Oos ja Raggabalder.

Waterboys čuojaha Skiippagurrariemuin.

The Waterboys čuojaha Skiippagurrariemuin.

Foto: Preassagovva

Ihtá konsearttaid stuorámus namat leat The Waterboys, Black Debbath ja Bare Egil Band. Eará dáhpáhus mii soaitá čohkket olu guldaleaddjiid lea Duolva Duoddara ja ROlfFa ovttasbargu man leat gohčodan "Joint Force" (Ovttastuvvan návccat).

Muđuid čuojahit Lukestar ja Raggabalder maid. Skiippagurrariemuin leat feara makkár eará dáhpáhusat musihka lassin, earret eará muohtaskohter suoidnedrag.

Loga maiddái:

Dá geasi riemut

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi