NRK Meny

Álddagas sivvan gottiid jápmimii

Sivvan gottiid jápmimii ii sáhte leat eará go álddagas. Dan dadjá Šibitdoavttirinstituhta fuođđoovddasvástideaddji, Kjell Handeland. Hardangerduoddaris gaskal Møsvatn ja Kalhovd Telemárkkus lei ikte sotnabeaivve earenoamáš garra bajándálki, ja bajánčeargun dat sáhttá dagáhan ahte gottit čomistedje. Handeland ii loga ovdal gullan ahte álddagas nie ollu elliid oktanaga lea goddán go maid ikte dagai Hardangerduoddaris. Son duođašta ahte sii leat iskamin leago gottiin Chronic wasting disease dávda, muhto son šiitá ahte makkárge dávda dat sáhttá dagahan gottiid jápmima.

Lei ikte ahte stáhta luonddubearráigeahču bearráigeahččit gávdne 323 jápmán gotti 80 mehtera čađamihtu viiddis guovllus.