Olmmošlohku guovddáš sámi gielddain Finnmárkkus lea njiedjan sullii guhtta proseanttain maŋemuš 15 jagi.
Okta sis gii dál lea fárremin lea Tove Furu Bartnes. Son orru ja bargá Kárášjogas. Bartnes bargá koahkkan ja loaktá barggus, muhto sámebáiki ii leat doarvái geasuheaddji.
– Dáppe lea olu maid váillahan, earret eará gávppit, mun lean koahka ja beroštan borramušas, Kárášjogas ii leat varasborramuš gávpi, dadjá Tove Furu Bartnes.
800 olbmo leat guođđán Finnmárkku sámegielddaid maŋemuš 15 jagi. Gávpogat numo Áltá ja Tromsa geasuhit olbmuid.
– Mus eai leat bivdu dahje oaggun beroštumit, nu mo olbmot sákka beroštit dáppe, lasiha Bartnes.
156:s leat guođđán Bartnesa dálá orrunbáikki. Eanemusat leat fárren eret Porsáŋggus, olles 378 olbmo.
Váikke vel Unjárggas leat 15 olbmo unnit dán jagi go 15 jagi dassái, de ii muital dat áibbas duohtavuođa, go maŋemuš jagiid lea olmmošlohku lassánan gielddas gos dál orrut 951 olbmo.