NRK Meny

Álbmotgoddima dihtii dubmejuvvon

Ovddeš hellodatpáhppa Rwandas lea dubmejuvvon eallinagi giddagassii olbmo massakrerema geažil.

Son galgá goddán sin geat ledje boahtán iežas kirkui ohcat dorvvo.

64 jahkásaš Jean Uwkindi dubmejuvvo álbmotgoddima ja rihkolašvuođa olmmošvuođa vuosttá dan 100 beaivve guhkosaš massakrerema vuolde mii álggahuvvui 1994:s.

800.000 olbmo goddo álbmotgoddimis Rwandas. Duopmu mearriduvvui gaskavahku, ja lea New York Times áviisa guhte čállá dán birra otne.

Uwinkindi cealká iežas sivaheapmin ja áigu guoddalit duomu.