NRK Meny

Álbmotčoahkkin Deanusoahpamušas

Duorastaga diibmu 1800 lágidi Sámediggeráđđi álbmotčoahkkima Kárášjogas Deanusoahpamuša birra.

– Mii háliidit Sámedikkis háleštit báikki olbmuiguin Kárášjogas. Dál leat stáhtat dohkkehan ođđa Deanusoahpamuša mii badjelgeahččá báikkiolbmuid vuoigatvuođaid ja leat addán ođđa vuoigatvuođaid olggobeale olbmuide geat eai oba gula ge guvlui.

Nu dadjá sámediggeráđđeláhttu Inger Eline Eriksen Fjellgren(Árja).

– Mii háliidit čilget manin Sámediggi lea vuostá dán soahpamuša ja mii lea geavvan áššiin ja movt mii bargat ovddasguvlui.