Álásgovat bilidit nuorravuođa
Máŋgga nuorra nieidda fertejit psykologalaš dikšui, maŋŋá go nieiddat leat vásihan ahte álásgovat sis leat leavvan interneahtas ja sosiála mediain. Nu dadjá psykologa Ingrid Blessom. Mediabearráigeahču logut čájehit ahte vuollelaš logi proseantta nieiddain gaskal 13 ja 16 jagi leat maŋimuš jagi vásihan ahte álásgovat, main sii oidnojit, leat juhkkojuvvon. - Nieiddat rahčet guhká maŋŋá, ja sii reagerejit dávjá seamma láhkai go sii geat leat veagalváldon, dadjá Blessom.