Hopp til innhold

Ájanas sámemánáidgárdi ii heaittihuvvo

Otne ožžo Porsáŋggu sámi mánát divrras ja dehálaš juovlaskeaŋkka.

Ájanas mánáidgárdi - Ájanas barnehag

Otne ožžo Porsáŋggu sámi mánát divrras ja dehálaš juovlaskeaŋkka, Porsáŋggu sámemánáidgárdi Ájanas ii heaittihuvvo.

Foto: Ođđasat

Ájanas sámemánáidgárdi Porsáŋggus dattetge ii heaittihuvvo, nu go oposišuvdnabellodagat Olgeš- ja Ovddádusbellodat ledje árvalan.

Balle sámegiela jávkat

Ida Karine Johansen

Porsáŋggu sámemánáidgárddi Ájanasa váhnenovddasteaddji Ida Johansenis lea leamaš lossa čákča, go ii diehtán heaittihuvvo go sin sámi mánáidgárdi vai ii, dál lea Johansen ilus.

Foto: Nils John Porsanger / NRK

Váhnemat reagereje garrasit árvalussii, go balle sámegiela jávkat jus mánáidgárdi jávká.

Muhto ovttajienalaš gielddastivrračoahkkimis mearridii eske bisuhit sámemánáidgárddi sierra mánáidgárdin. Opposišuvdna atná mearrádusa stuorra vuoitun.

– Leamaš lossa čakča

Son lea čuvvon Porsáŋggu gieldda stivrračoahkkima neahta bokte ja sin mánáidgárddis leat váhnemat leamaš čoahkkimis.

Porsáŋggu sámemánáidgárddi Ájanasa váhnenovddasteaddji Ida Johansen lohká ahte sus lea leamaš lossa čakča, muhto dál orro sámemánáiguin Porsáŋggus čuvges boahtteáigi, ja Johansen lea ilus.

Guldal eanet dán áššis:

Korte nyheter

  • Beitekrise i Karasjok - skuterløyper stengt

    Kriseberedskapsutvalget har erklært beitekrise i store deler av Karasjok. På grunn av dette er flere skuterløyper stengt, skriver Karasjok kommune på sin nettside.

    Løype 5 mellom Láŧevuovdi og Guovžilbohki og løype 17 Badjenjárga til Dákteroavvi stenges midlertidig.

    Løypa stenges fram til 8. april av hensyn til reindriften.

    Karasjok kommune kan stenge skuterløyper etter kommunal forskrift om snøskuterløyper § 7.

    Beitekrisen har rammet flere distrikt i Nordland, Troms og Finnmark, og har så langt berørt i overkant av 60.000 rein.
    Foto: Landbruks- og matdepartementet
  • Dieđihit eambbogo 30 goddon Israelea falleheamis Syriijas

    Siviila olbmot ja soalddáhat galget leat goddon israelalaš áibmofalleheamis Syriijas, syriijalaš eiseválddiid dieđuid mielde.

    Eanetgo 30 olbmo galget dieđuid mielde goddon.

    Dieđuid mielde galgá Israel fallehan Aleppo gávpoga mannan ija diibmu 01.45 báikkálaš áigge.

  • – Alimus Hálddahusriekti bággeha ii-sápmelaččaid Sámediggái 

    Sámiráđi ságadoalli Áslat Holmberg oaivvilda, ahte Suoma Alimus Hálddahusriekti (AHR) badjelgeahččá sámi álbmoga.

    – AHR lea ođasmahttán mearrádusaid, mat leat gávnnahuvvon rihkkut sápmelaččaid vuoigatvuođa friddja politihkalaš ortniiduvvamii, oaivvilda Holmberg.

    AHR lea mearridan, ahte mannan čavčča sámediggeválggaid galgá lágidit ođđasit.

    Riekti lea gieđahallan badjel čuođi sámediggeválggaid válgalogahallama ja válgabohtosa guoski váidaga.

    – AHR fas bágge Sámedikki dohkkehit 72 ii-sápmelačča ižas jienastuslohkui. Ná áitá Sámedikki legitimitehta sápmelaččaid ovddastanorgánan, cuiggoda Holmberg.

    Aslak Holmberg
    Foto: Piera Heaika Muotka / Sámiráđđi