– Mun hálidan ahte mu ovcci jahkásáš mánná galgá beassat oahppat kristtalašvuođa birra eatnigillii, váimmugillii. Mu mielas badjelgeahččá girku min álbmoga go virgáibidjet olbmo gii ii máhte sámegiela, lohká moaráskan váhnen Ebba Joks Deanus Min Áigái.
Sivva áitagii leago Buolbmát ja Deanu searvegodderáđi virgáibidjanlávdegoddi ii leat beroštan sámi álbmoga vuoiŋŋalaš dárbbuid birra. Katekehta virgái ledje ožžon moadde ohcci ja válljejedje dan geas lei sihke katekehta- ja diakonaoahppu.