Ain ohcan Njávdámis

Vuossárga rájes leat Njávdámis, Anáris suomabeale sámis, ohcan 83 jahkásaš albmá gii dieđihuvvui jávkan. Maiddái odne ohcet albmá ja dál leat viiddidan ohcama maid Norgga beallai, dien rádjaguovllus, dieđiha Yle Sápmi. Ohcamiidda oassálastet otne eanaš bolesat ja rádjegozáhusas beatnagiiguin, gádjungirdit ja helikopter. Dan lassin guovllus leat maid eaktodáhtolaš ohccit veahkkin.