Ain ohcamin albmá Deanus

Maiddái odne ohcet 80-jahkásaš Odd Henry Lahm Deanus Finnmárkkus.

Sihke helikopter, ohcanveahka ja beatnagat leat ohcamin. Odne galget ohcat johkagáttiid, muitala , Finnmárkku politiijaguovllu operašunjođiheaddji Gunnar Øvregård.

Lahm dieđihuvvui jávkan sotnabeaivvi ja su leat ohcan dan rájes. Politiijat bivdet ain ahte vejolaš vihtanat váldet oktavuođa, ja ahte olbmot ohcet iežaset gárddiin, olgovisttiin, garášain ja barttain.