Hopp til innhold

Ailu Valle radiokonsearta

Dán vahkku lea suoma sámi rappara Ailu Valle konsearta man fállat diibmosaš sáddagis. Valle finai Studio Sámis skábmamánus diibmá, ovttas Trio Boogiemen joavkkuin.

Studio Sápmi, nov. 2014. Foto: Lemet Ailo Holmestrand Hætta

Govva: Lemet Ailo Holmestrand Hætta

Odne diibmu 16.30 sáhtát rádios gullat Ailu Valle konseartta, mii báddejuvvui Kárášjogas ovdalaš juovllaid.

Ailu Valle čállá ieš lávlagiidis, ja oaivvilda ahte rapmusihka bokte sáhttá oahpahit giela daidda nuoraide geat rahčet skuvllas. Dat geasuha eanet go dábálaš oahpahus.

Valle lea 29 jagi ja lávlu das mii dáhpáhuvvá sámi servodagas. Son rappe teknologiija birra, mii orru eanet aht` eanet stivreme olbmo. Ja luonddugáhttema birra, mii su mielas lea dehálaš.

Buot dán dahká sámegillii, maŋŋelgo fuomášii man buorre rappen-giella sámegiella duođai lea.

NRK2s čájehuvvui Ailu Valle portreahtaš juovlamánus diibmá. Dás oainnát dan sáddaga: 2014 maŋemus Árdna tv-sátta

Korte nyheter

  • Suopma ja Ruoŧŧa ohcan Nato miellahttun

    Ruoŧŧa ja Suopma leat árrat iđit otne formalalaččat ohcan miellahttun Natoi. Ohcamušat geigejuvvojedje váldočálli Jens Stoltenberga kántuvrii. Suoma presideanta lohká jáhkkit diplomatiijain nagadit gálgat čuolmma Tyrkiain mii biehttala dohkkeheames dán guovtti riikka Nato miellahttovuođa. Tyrkia presideanta lohká Suoma ja Ruoŧa várjalit terroristtaid go addet asyla kurdáriidda ja earáide geat vuostálastet su politihka.

    Finland og Sverige leverer sine Nato-søknader
  • Uhcán báhtareaddjit boahtán, cuiggoda sátnejođiheaddji

    Finnmárkku báhtareaddjiid vuostáiváldinguovddáš lea goasii guorus vaikko badjel 16 600 báhtareaddji leat boahtán Norgii guovvamánu 25. beaivve rájes. Mátta-Várjjaga sátnejođiheaddji Lena Norum Bergeng oaivvilda, ahte ádjána menddo guhká ovdal go báhtareaddjit bohtet gielddaide. Gielda sáhtašii váldit vuostá 140 báhtareaddji. Dál leat 11 báhtareaddji boahtán gildii, muhto ásset oahppásiid luhtte.

    Lena Norum Bergeng, ordfører i Sør-Varanger kommune.
    Foto: Kristin Humstad / NRK
  • Oččodeamen toga Nordlánddas Finnmárkui

    Romssas lea ásahuvvon Jernbane Nord AS fitnodat mii áigu oččodit ođđa ruovdemáđiia Fuoskkus Nordlánddas Finnmárkui. Ovdal geasi áigot jo virgádit unnimustá golbma ruovdemđii-áššedovdi, geat ovttas báikkálaš ja guovllu eiseválddiiguin galget bargat vai jođáneamos lági mielde beasašedje huksegoahtit ruovdemáđiia Fuoskkus Finnmárkui, čállá Klassekampen. Áigumuššan lea oažžut álggahandoarjaga 2025 Nášunála johtolatplánas.

    Davvi-Norggas ruovdemáđii ovdánahttin ja huksen lea 60 jagi bisson seamma dásis go fas ruoŧŧelaččat leat huksen 400 kilomehtera ođđa ruovdemáđiia Davvi-Ruŧŧii, cuiggoda Jernbane Nord AS stivrra nubbijođiheaddji, Terje Traavik. Son sávvá maid oažžut doarjaga dása Natos ja EUs.

    Togstopp på Fauske
    Foto: Ronald Jacobsen