Hopp til innhold

– Son ii livčče dan galgat dahkat

Dohkkemeahttun dahku Norgga finánsaministaris, oaivvilda Sámediggepresideanta.

montasje

Sámediggepresideanta ipmirda ahte Norgga finánsaministtar atná biktasiid suohtastallama dihte, muhto son goit ii livčče nuppi eamiálbmoga biktasiiguin gárvodan festii. Váldogova leat Twitteris čuohpestan. Aili Keskitalo gova lea Dan Robert Larsen govven.

– Dat leat nu ahte eamiálbmot kultuvrrat eai berre adnot kostyman, dadjá sámediggepresideanta Aili Keskitalo.

Mannan bearjadaga almmuhii Norgga finánsaministtar gova go lei gárvodan indiána biktasiiguin ja gearggus finánsafestii vuolgit mas lei fáddán "Ville Vest".

– Ehpet ábut leahkit nu hearkkit

Finánsaministtar Siv Jensen ii kommentere ášši, muhto departemeantta stáhtačálli, Petter Kvinge Tvedt (Frp), sávvá ahte olbmot eai válddášii dán nu duođas.

– Mun sávan olbmot eai leat nu hearkkit ja baicca girdet eanet, dadjá son.

Leatgo sápmelaččat beare hearkkit?

– Muhtumat orrot oaivvildeamen dan, ja dat sáhttá fal leahkit nu. Jus nu lea, de mun jáhkán dat boahtá das go mii boahtit vealahuvvon kultuvrras, juste nugo eamiálbmot Amerihkás. Mii leat vásihan vealaheami ja bilkideami historjjálaččat, nu ahte go muhtumat atnet min symbolaid ja biktasiid suohtastallama dihte, de mii dieđusge álo jurddašit ahte sii leat geahččaleamen bilkidit min. Mun goit in livčče nie geavahan nuppi eamiálbmoga gárvvuid, vástida sámediggepresideanta.

Norgga finánsaministtar gárvodii indiána biktasiiguin finánsafestii mas lei fáddán "Ville Vest".

Korte nyheter

  • Sámi festiválat Norggá buoremusaid gaskkas

    «Norske Kulturarrangører» organisašuvdna lea dál almmuhan evttohasaid oažžut lágideaddji bálkkašumiid jagi 2023 ovddas.

    Márkomeannu, Riddu Riđđu ja Sámi Beassášmárkanat leat evttohuvvon iešguđet surggiin.

    Sámi Beassášmárkanat gilvvohallet nammaduvvot «Dán jagáš festiválan».

    Festiválat Márkomeannu ja Riddu Riđđu lágideigga oktasaš doarjjakonseartta Fovse- sápmelaččaide ja -ákšunlisttaide Riikalávddis Oslos. Dainna konsearttain sáhttiba festiválat nammaduvvot Dán jagáš inspirašuvdnan.

    Márkomeannu lea maiddái finalistta Dán jagáš čalbmerávkaleapmi.

    Lubna Jaffrey åpnet Riddu Riđđu.
    Foto: Inga Maret Solberg Åhren / NRK
  • Påviste fire bjørner i et nytt hårfelleprosjekt

    Sommeren 2023 ble det for første gang samlet inn hårprøver fra et 500 kvadratkilometer stort område på nordsiden av Tanaelva i den vestlige delen av Tana kommune.

    Det melder Norsk institutt for bioøkonomi (Nibio).

    – Totalt ble det samlet inn 27 hårprøver som var positive for brunbjørn, sier laboratorieleder Ida Marie Bardalen Fløystad ved Nibio Svanhovd.

    Fra disse prøvene kunne forskerne identifisere fire ulike bjørner, to hannbjørner og to hunnbjørner.

    Alle de fire bjørnene som ble påvist i hårfelleprosjektet i Tana i 2023 var tidligere kjente individer.

    Målet med prosjektet er å få mer informasjon om bjørnenes bevegelser i området, tidsmessig områdebruk, og om mulige slektskap mellom individene.

    – Den overordnede målsettingen med disse hårfelleprosjektene er å få mer kunnskap om antall bjørn, kjønn og hvilke individer som påvises, sier Ida Marie Bardalen Fløystad.

  • Beatnagat gaikodan bohccuid Bájilis 

    Badjeolmmoš Tommy Vitblom vulggii iskat lea go ealu sisa mannan luovosbeatnagat go oinnii Facebookas čállosa ahte luovusbeatnagat leat jođus Kangos guovllus Bájila gielddas Ruoŧas. Dalle son gávnnai njeallje jápmán bohcco, dieđiha Sveriges Radio.

    – Dákkár oainnáhus darvána millii, muitala Vitblom.

    GPS ja drona veahkkin lea son gávnnahan ahte beatnagat oaguhedje bohccuid máŋggaid miillaid ovdal go de loahpas fallehedje. Vitblom muitala dán dáhpáhuvvat dávjjit aht dávjjit. (Čájáhusgovva)

    Reinkadaver
    Foto: Erik Ropstad