Hopp til innhold

Áile Jávo jođiha Sámeráđi

Kárášjohkalaš Áile Javo lea Sámerádi ođđa jođiheaddji ja presideanta.

Áile Javo

Áile Jávo

Foto: NSR

Sámiid 20. konferánsa Murmánskkas lea válljen kárášjohkalačča Áile Jávo Sámeráđi ođđa jođiheaddjin maŋŋel go Olav Mathis Eira ii šat háliidan joatkit.

Rájákeahtes ovttasbargu galgá vuoruhuvvot, lohpida Áile Jávo.

  • GULDAL ÁŠŠI:

    Áile Jávo jođiha Sámeráđi

Korte nyheter

  • Suoma iehčanasvuođabeaivi: Valle presideantta šlohttii

    Juovlamánu 6. beaivi lea Suoma iehčanasvuođabeaivi. Suopma lea dál leamaš sorjjasmeahttun 105 jagi. 1917:is beasai Suopma friddjan Ruošša hálddus.

    Artista Ailu Valle lea bovdejuvvon presideantta šlohttii ávvudit beaivvi. Valle ii leat searvan ávvudoaluide ovdal, muhto joatkkafeasttaid tv-prográmmas loaiddastii 2017:is, čállá Yle Sápmi.

    – Lea dieđusge somá, ahte bovdejuvvo dohko, ahte várra lea juoidá goit bargan riekta, go dohko beassá, muitalii Valle Yle Sápmái.

    Maiddái Suoma Sámedikki ságadoalli, Tuomas Aslak Juuso lea bovdejuvvon ávvudoaluide.

    6.12 ávvudit Suoma iehčanasvuođabeaivvi. Sápmealččaide dát lea maid dehálaš beaivi. Ihttin álgá Norgga sámedikki dievasčoahkkin ja mat áššitson doppe leat dat stuorra áššit ja maid jáhká politihkkálaš kommentáhtor dagahit digáštallamiid. Otná sáddagis gullat áhte hállu oažžut saji mánaide unnitloguossodagaide ovdaskuvllas Julevus lea lassánan sákka dáid maŋemus jagiid. Sámi dulkkat leat unnán, Norggas dušše 11 dulkkas 2000 dulkkas lea ođđa lága gáibiduvvon gelbbolašvuohta.
  • Gearggus vuolláičállit ovttasbargošiehtadusa

    Sámediggi lea čađahan gulahallanproseassa sámi valáštallan birrasiin máŋggaid jagiid badjel, ja lea dál gearggus vuolláičállit ovttasbargošiehtadusa Sámi Valáštallan Lihtuin. Dáinna ođđa valáštallan šiehtadusain lea Sámediggi gearggus searvat bargui loktet sámi valáštallama politihkalaš dásis, dieđiha Sámediggi preassadieđáhusas.

  • Meannuda ođasmahttojuvvon oahpponeavvoráhkadeami doaibmaplána

    Norgga stáda bealis lea unnon ruhtajuolludeapmi sámi oahpponeavvuid váste, mii dagaha ahte Sámediggi šaddá rievdadit vuoruheami sámi oahpponeavvuid ektui. Sámedikki dievasčoahkkin meannuda dán vahku ođasmahttojuvvon oahpponeavvoráhkadeami doaibmaplána 2020-2024, mii galgá sihkkarastit ahte sámi oahpponeavvuid ráhkadeamis lea buorre kvalitehta. – Lea dárbbašlaš buoridit buot lađđasiid oahpponeavvoráhkadeamis, dadjá sámediggeráđđi Mikkel Eskil Mikkelsen (NSR), čállá Sámediggi preassadieđáhusas.

    Sametingsråd Mikkel Eskil Mikkelsen (NSR).
    Foto: Vaino Rensberg / Sametinget