NRK Meny

Áigu loktet hoahppoáššin

Norgga sámiid riikkasearvi, lea mearridan loktet duohtavuođa- ja soabahuskommišuvnna hoahppoáššin sámedikki boahtte vahku dievasčoahkkimii. -Mii oaivvildat ahte dát nannešii gáibádusa ásahit kommišuvnna jus sámediggi dál dievasčoahkkimis čielgasit mearrida áššis ovdal go stuorradiggi meannuda ášši geassemánus. Nu lohká NSR parlamentáralaš jođiheaddji ja presideantaevttohas, Aili Keskitalo. Nu boahtá ovdan preassadieđáhusas.