Normal

Áigu álgoálbmotuniversitehtan

Sámi Allaskuvla lea ohcan WINHEC akkrediterema dahje dohkkeheami.

Samisk høgskole
Foto: Sara Ellen Anne Eira / NRK

Akkrediterenproseassa lea leamaš jođus 2006 rájes ja vahku geahčen boahtá WINHEC árvvoštallanjoavku galledit Sámi allaskuvlla.

Akkrediteren mearriduvvo WINHEC čoahkkimis juovlamánus dán jagi.

GULDAL: Allaskuvla ohcá

Álgoálbmot perspektiivvas

WINHEC, World Indigenous Nations Higher Education Consortium, lea riikkaidgaskasaš orgána, mii guorahálla ja dohkkeha álgoálbmot universitehtaid.

Sámi allaskuvla lea ohcan WINHEC akkrediterema dahje dohkkeheami, ja Sámi allaskuvlla várrerektor Marit Breie Henriksen muittala ge ahte akkrediterenproseassas de guorahallet doaimmaha go Allaskuvla iežas doaimmaid ja bargguid álgoálbmot perspektiivvas.