Áigot iskat dálvedeahkkaváttisvuođa

Johtolatministtar Ketil Solvik Olsen gohčču dál Geaidnodirektoráhta iskat ahte čuvvot go guorbmebiillat ođđa dálvedeahkkanjuolggadusaid Norggas. Mánnodaga muitalii NRK ahte Norges lastebileieforbund oaivvilda ahte deahkkabuvttadeaddjit leat fuobmán ođđa njuolggadusain ráiggi gokko sáhttet garvit dálvedeahkkagáibádusa, mii lea biddjon guorbmebiillaid várás Norggas. – Sii fertejit gávnnahit mii addá vejolašvuođa garvit njuolggadusaid vai sáhttet garvit váttisvuođa maid olgoriikkalaš guorbmebiillat dagahit dálvesiivun go eai leat bijahan dálvedeahkaid, dadjá Solvik-Olsen.