NRK Meny

Áigot hukset ođđa hápmana

Hámmárfestii áigot hukset ođđa hápmana 325 millijovnna kruvdnii. Dá lea dat vuosttaš gielddalaš prošeakta ođđa áiggis gielddas. Sis lea áigumuš oažžut gávpogii hápmana, mii birrasiid lea buorre, ja dat mearkkaša ahte stuorra gálvofatnasat sirdojit eret guovddášguovllus industriijaguvlui Lávželuktii. Prošeakta eaktuda doarjaga birasdirektoráhtas 120 millijovnna kruvnnu, ja riddodoaimmahagas fas 25 millijovnna kruvnna. Ráđđealmmái Leif Vidar Olsen lea fuolastuvvan go vealgi sáhttá stuorrut 140 millijovnna kruvnnuin.