Áigot doalahit fylkkaid
Davvi-Norggas háliida eanetlohku doalahit daid golbma fylkkaid. Álbmot vuosttilda ovttastuhttima ovtta stuora regiovdnan, nu čájeha ođđa oaiviliskkadeapmi maid Infact lea čađahan Nordlys áviissa ja a-media ovddas. Finnmárkku álbmot vuosttilda eanemusat ovttastuhttima, ja Romssa álbmot leat unnimus vuosttá. Finnmárkkus vástidii 61,3 proseanta ahte sii háliidit doalahit fylkka nu movt dat lea odne.