Áiggošedje báhčit eanet guovžžaid

Romssa ja Finnmárkku boraspiire lávdegoddi lea jearran lobi báhčit guhtta guovžža dán jagi.

Bjørn skutt i Saltdal

Čájáhusgovva. Romssa ja Finnmárkku boraspiirelávdegottis oaivvildit, ahte guovžalohku lea menddo allat.

Foto: SNO

Ohcamušas čállet, ahte Romssas leat guovžžat lassanán ja ahte Finnmárkkus leat guovžžat diibmá oidnon ja vuhtton máŋgga sajis.

Boraspiirelávdegoddi oaivvilda, ahte lea buorre go guovžžat lassánit, muhto dát ii dáidde nu bures soahpat sávza- ja boazoealáhusaide.

Jagis 2013 duođaštuvvojedje 147 guovžža Norgga rájáid siskkobealde. Eanemus guovžžat ledje Báhčaveajis Mátta-Várjagis, čállá Bioforsk Svanhovd.

Finnmárku leage Norgga guovžafilka nummar okta. Iskkadeamit čájehit, ahte juohke goalmmát guovža (sullii 50) ellet doppe.

Hedmárkkus leat 40 ja Davve-Trøndelágas 32 guovžža.