Yukiko Fredriksson čuovvu mielde sihke Ruoŧa ja Japana ođđasiin ahte movt dilli ain de lea ruovtturiikkas. -Orru ahte Ruotas ballet eambbo go sii geat orrot Japanas, go lea sáhka lihkuhisvuođaid birra doppe. Nu lohká nisu gean vánhemat ássaba dušše 25 miilla eret dan guovllus gos atoma-fápmu rustegat leat bávkkehaddan maŋŋel eanandoarggástusa.
Yukiko Fredriksson lea eret Saitama guovllus Japanas. Son lea náitalan Gironii gos lea juo 4 jagi orron. Su vánhemat ja oabbá ásset Saitamas. Suorggahahtti dilli, lohká Yukiko, ja váivašuvvá go ii sáhte sin veahkehit man ge ládje.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.