NRK Meny
Normal

Ælla aktak julevsáme åhttse

Juohkka jage niellja nuora bessi NRK Sápmin liehket hárjjidalle, valla dá bále ælla aktak julevsámegiellaga åhtsåm.

Praktikanter gjør opptak

Agev la miellagiddevasj gæhttjat gåktu filmma sjattaj gå videoådåsav dagá. Dán gåvån vuojná gå Linn Kristin Bær, Linn Margrete Påve ja Maria Therese Oskal gæhttji majt li báddim.

Foto: Berit Nystad

Praktikanter og Berit Nystad

Hárjjidalle Máijá Holm Balto, hárjjidalle Máret Inga Smuk ja prosjæktajådediddje Berit Nystad.

Foto: Vaino Natasha Rensberg

NRK Sápmi åhtså julevsáme nuorajt gudi sihti mediajn barggat.

– Mij sihtap julevsáme nuorajt TV-, radio- ja næhttabarggen. Dát la huj suohtas ja miellagiddevasj barggo, javllá prosjæktajådediddje Berit Nystad.

15.000,- mánnuj

Sån subtsas hárjjidalle oadtju ålov dahkat, sjaddi duosstelabbo ja barggo le dagu ståhkam.

– Besa mannat duok diek ja dan åvdås mávsov oadtjo jus subtsasta majt la vásedam. Oattjo 15.000,- mánnuj dán bargo åvdås mij guhtta máno vihpá, duodden la vejulasjvuohta oadtjot 50.000,- kråvnå jáhkáj jus lågå mediafágav ja NRK Sápmia åvdås guokta jage barga.

Jon Isak Lyngmann Gælok

Jon Isak Lyngman Gælok subtsas hárjjidallamájge maŋŋela 2,5 jage NRKan bargaj åvddål ådå mediabargguj álgij NuorajTV buvtadimen, mij la julevsáme næhtta-TV.

Foto: Simon Piera Paulsen / NRK

Jus la miella gæhttjalit gåktu la mediajn barggat, diededa dán bielen åvddål sjnjuktjamáno 31. biejve:

– Lij suohtas

Divtasvuonak Jon Isak Lyngman Gælok gut lij NRKan hárjjidalle subtsas hárjjidalle åhpadi gájka mij gullu journalistihkkaj ja videojournalistihkkaj.

– Jus le berustime filmmit, subtsastit ássjij birra jali mierredit mij galggá vuoseduvvat ja almoduvvat, de bierri åhtsåt. Besa radion, TV-an ja nehtan almodit dav majt dagá.

Jon Isak Lyngman Gælok nuppijda dáv fállá.

– Lij huj suohtas ájgge ja åhpajma riek ålov. Dån ham oattjo bálkáv madi åhpa barggat, dát le ham buorre årnik.

Gehtja filmav hárjjidallebargo birra:

Praktikantenes rekrutteringsvideo.