NRK Meny
Normal

Adveantakaleandar: Akevihtta juovllaide

Dán jagi adveantakalendera lea Beate Heide buvttadan NRK Sápmái.

akevitt til jul
Foto: Bente Heide

Adveantakaleandar: 16.12.2014

Golleivnnát goaikkanasat láses, muhtimat návddašit dan buoragit galmmihuvvon, muhtimat oidit dan vurdjnon. Olosat ehccet dasa, ja heanut ja heanut gávdnet dan vuogasin. Man birra hoaladan? Akevihtta dieđun. Budeahttabuollánviidni midjas njaddá dilla ja kárveniid, - ja iežá njaddenlasáhusaid.

Akevihtta lea juovllaid buoiddes biepmu mieđuštanguoibmi. Dávjá guossuhuvvon oktan vuollagiin. Máŋggas váldet unnaláseža go sin mielas ahte veahkeha losses biepmu suddadeapmái. Máŋggas čáppášit dan juhkosa midjas jur šealgá ráinnas jugástatlásen. Lea sidjiide šaddan buori juovlaustibin. Ii leat dušše buoiddesbiepmuide dat lea buorre, muhto maiddái doskogaskabeivviide.

Beate Heide

Dán jagi adveantakalendera lea Beate Heide buvttadan NRK Sápmái.

Foto: Privat

Norggas akevihtas leat ruohttasat njealljenuppelotčuođilogi álggus. Norgga maŋimus earkebisma, Olav Engelbrektson, lei vuosttas guhtes čálii daid divrras goaikkanasaid birra. Son oaččui akevihttabohttala skeaŋkan dánskalaš Eske Billes, látna Bergenshusa šloahttahearrás. Mielčuovvu reivvestis hearrá Bille muitala ahte son lea sáddemin árvvolaš juhkosa man namma lea Aqua vit, ja mainna máhttá buoridit visotlágan skihpodagaid ja sivaid mat ležžet siskkil rupmahis.

Dalle juo geavahuvvui namma Aqua Vitae latiinnagillii, mii mearkkaša njuolga jorgaluvvon eallima čáhci, ja namma lea bistán vaikko buollánviinni dálkkodeaddji iešvuohta áigá juo lea eahpiduvvon ja hilgon. Ii nu áigá de, ahte hilgojuvvui, dalle gielddusáiggis, ovccinuppelotčuođiovccinuppelogis gitta guoktelogiguhttii, oaččui buollánviinni lobálaččat beare jos doavttir čálii dan dálkkasin skibasolbmui.

Ná lei akevihta álgu, ja vaikko mii diehtit ahte dan akevihtta maid hearrá Engelbrektson váidni máistti, sisttisdoalai mealgat fuseloljjo, ja dan dihte ii geava sulastahttit otnás akevihtain, de bisttii liikka namman eallima čáhci.