NRK Meny
Normal

Adveantakaleandar 20.12.

Dán jagáš kaleandra lea Beate Heide buvttadan NRK Sápmái.

Durdnesotnabeaivi
Foto: Beate Heide

Ovdalis áiggi ii lean lohpi bargat sotnabeivviid. Dasa dáiddii leat buorre sivva go eanemus olbmot barge ja rahče nu garrasit muđui váhkus, ja lei rumašbargu.

Muhto akta sotnabeaivvi jagis lei lohpi bargat, adveantta maŋimus sotnabeaivvi. Dan gohčode durdesotnabeaivin, ja dan beaivvis olbmot besse válbmet juovladoaimmaid mat ain ledje báhcán barggagehtte.

Dat liiba geargat juovllaide lei vissásit máŋgasiidda buresboahtin. Juovlabasit ledje guhkit, ja máŋgasiid gudneáŋgirvuohta lei doallat árbevieruid. Danne galggai visot reiddas ovdal girkobiellut čudje juovllaidálgima, ja ii lean jur unnán mii vurdojuvvui.

Dál lea visot álkit máŋga vugiiguin. Mis ii leat nu fysalaš gáibideaddji bargu sahtek, gievkkanmašiinnat mat dagahit ahte bargu geahppu ja áigi sesto, leat nai juohke diŋgii. Liikka láve mis dilihisvuohta juovllaidvuordináiggi. Vai lea go dát beare juoga mii dobdu?

Dál lea durdesotnabeaivi dávjá muhtin beaivi go buvddat leat rahpasat, vai hiđis olbmot juovlaattáldagaiguin besset geargat.

Mu vásáhus lea ahte midjas juovllaid sisdoallu galgá leahkit, lea sirdon siiddas gávpehášaide ja boalváriidda. Sii dát leat geat mearridit min juovladárbbuid, ivdnás máinnusgihppagiiguin ja šelges TV-máidnosiiguin. Buvddain juovllat álget juo árrat, ja dagaha hušša min golaheddjiid gaskkas. Álgoálggos juovllaid sáttasátni ja ulbmil ii lean divrras skeaŋkalonuheami birra ollogen, muhto orru leahkimin iežáhuvvamin ruhta- ja oasástanguvlui. Jos mii háliidit jorggihahttit dili, de min vertet váldit juovllaid ruoktot veaga háldui, mon jáhkán. Go dohko hal gullá, ikkobi?