Suovas, dát njálggahájat ávnnas man geavahat juovllaid ovdal, ja mii lebbe daid njálgámus hájaid min stobuide lea seaguhus mas leat máŋga rásseávdnasa mat haksogohtet dego parfyma go liggejuvvojit. Dát šaddoávdnasat leat balsama, gáhčči ja šaddooljjut. Gonagassuovvasis, mii lea dat suovas mii eanemusat geavahuvvo Norggas, geavahuvvo dasa lassin kánela, koriánder, lávendel ja ruvsolasttat. Njálggahájat leat álo gullan allabasiide ja illui. Skeaŋka mas maid lei suovas lea áiggis áigái adnojuvvon leat árvvu ja gutni mearka.
Suovas dáidá leat eanemus dovddus go dat lei okta dain skeaŋkkain maid dat golbma viisá bukte Jesusmánnái. Go jo dát mánná rehkenastojuvvui gonagassan, oaččui son dan buoremusa alla árvosaš skeaŋkkain mat rehkenasto leat divrrasin badjelaš 2000 jagi áigi. Golli, suovas ja myrra ledje su skeaŋkkat. Muhttin oskkuin geavahuvvo suovas oskkolaš seremoniijain.
Čilgehus mo suovvasa ráhkada rehkenasto nu dehálažžan ahte lea čállojuvvon ja seailluhuvvo dološ papyrusrullain. Suovvasa geavaheapmi lea katolalaš liturgiijas, ja dat govvida ahte olmmoš lea ovttadat vuoiŋŋas, rupmašis ja sielus. Suovas váldui measta oalát eret protestánttalaš liturgiijas, vuosttažettiin danne go dat dulkojuvvui leat girkooaffaruššan katolihkalaš ovdanbuktinvuogis, man reformáhtorat hilgo hui čielgasit. Ođđasat áiggis dáhpáhuvvá ahte suovas fas geavahuvvo, maiddá protestánttalaš girkus - muhto dalle čujuhuvvo boares testamentii, gos lea čilgejuvvon suovvasa geavaheapmi.