Adveantakaleandar 15.12.16: Ruovtturáhkaduvvon gintalat

Dán jagi adveantakalenandara lea Beate Heide buvttadan NRK Sápmái.

Ruovtturáhkaduvvon gintalat
Foto: Beate Heide

Ii leat áibbas dábálaš ráhkadit gintaliid Norggas, dan gal duosttan dadjat. Muhttin mánáin lea lihkku ja ohppet mo gintaliid ráhkada juovlabájis skuvllas. Dalle ožžot váhnemat ja áhkut ja ádját gintaliid, ja lea nu čielggas ahte mánát leat rámis go leat daid ráhkadan. Juovlamárkaniin sáhttá deaivat ahte ihtá Bassi golmma gonagas-ginttal mii lea ruovtturáhkaduvvon, ráhkaduvvon sihke honnegiin ja steariinnain. Gintalat juohkelágan málles, ivnniin ja hámis.

Ovddit adveantta gávdnen adveantaginttalkruvnnu mii lei ruovtturáhkaduvvon.

Son guhte lohkka samegillii adveanttaraiddu

Anne Marja Guttorm Graven lea guhte lohká samegillii adveantakaleandarráiddu

Foto: Privat

Njeallje ovttaskas gintala ledje suddaduvvon stráŋgafierbmái mii lea rieggán dahkkon nu ahte dagahii juolggi man alde bissu. Gintalat ledje čeaskadat, ja lei erenoamán čáppa duodji. Mun liikostin dasa oalát, ja bidjen dan starga kássa sisa amas doddjot manadettiin ruoktut. Bidjen adveantagintaliid silbaivnnat lihtti ala. Čiŋahin daid guossanáluiguin, rukses báttiin ja kánelasákkiiguin. Dat čužžo guovdu beavddi, ja beare vurde cahkkehuvvot.

Adveanta lea vuordináigi. Juovllaid vuordin. Danne leat adveantagintalat visuála govva das man guhkás mii leat joavdan adveanttas. Okta ginttal juohke sotnabeaivái, ja de bullet čuovggat ovttas viidásat. Go buot gintalat leat cahkkehuvvon, de lea áibbas čielggas buohkaide ahte dál, dál de lahkonit juovllat leavttuin. Čáppa gintalat mat bullet sevdnjes skábmaeahkedii illudahttet mu. Unná dánsu dolažat mat buktet lieggasa ja ilu iežaset birrasii addet sieluráfi dan botta go buđaldan juovlakoarttaiguin ja páhkken juovlaskeaŋkkaid.

Beate heide

Beate Heide lea adveantakaleandara čálli.

Foto: Beate Heide

Olles adveantta illudin dáid gintaliid maid sivvadit bulle. Loahpas lei dušše stráŋgafierpmát juolgi ja vilges steariidna báhcán muitun dán čáppa duojis. Smiehtadan mun sávan diekkár gintala boahtte jagi maiddá!