Mun lean okta sis geaid mielas lea gelddolaš sihke addit ja oažžut fláksavuorbbi. Go oasttán dakkár vuorbbi de lea garra sávaldagain ahte vuorbbis lea stuorra vuoitu. Jurddaš man somá livčče addit dakkár vuoitovuorbbi! Mun hirbmadit illudan go attán vuoitinvejolašvuođa; Go lea dat man attán; vejolašvuođa leat mielde stuorra vuoittu vuorbádeamis.
Lean smiehtadan dán, ja mu mielas livčče leamaš buorre jus okta mu skihpáriin oččošii vuoitovuorbbi skeaŋkan mus. Dieđusge lea mus áddejupmi dasa ahte eanaš vurbbiin ii oba leat ge vuoitu. Eai atte maidige, muhto lea dat gealddus ahte doppe álo lea vejolašvuohta ahte sáhttá šaddat vuoitu.
Mun in smiehta ahte šattašii váivi jus attášin vuoittu; ahte munnje galggašii oassi vuoittus, dahje ahte livčče buoremus jus ieš vuoittášin olles supmi okto. In, mun udnon earáide flaksa. Olles váimmuin udnon dan sidjiide. Jo, mun vuoiga sávan ahte galget leat golbma ovttalágan gova vuorbbis.
Lea erenoamáš álki fláksavurbbiin adveantaáiggis. Lea unna fuomášupmi man álkit sáhttá sáddet ovttas juovlakoarttain, go ii dat mávsse nu ollu. Lea fuomášupmi, ja das lea vejolašvuohta ahte lea vuoitu.
Ja dalle gal várra áddet ahte láven bivdit fláksavuorbbi mas lea vuoitu go lean earáide gávppašeamen? Buvdabargit lávejit dadjat ahte dan eai sáhte dáhkidit - muhto dalle dajan ahte ferte leat fláksa fláksavuorbbis, vai?