Adveantakaleandar 03.12.2014
Go ledjen unni de lei unnán mii lei seamma somá go spárkka ohcat ovddos. Dát lávii siskkimus gealláris sabehiid, sihkkeliid ja ieža roskkiid gaskka mat čoahkkane geallárii. Go spárkensiivu viimmat bođii, mii sakka illudeimmet.
Buoremus jos lei veahá njalkkas, vai spárkkain šattai albma leahttu, muhto deháleamos lei ahte lei muohta ja galmmas. Dat lei illubeaivi, go daid áiggiid mii máhtiimet illudit unna dáhpáhusain.
Mu mánnávuođas biila lei hárvenaš diŋga, ja mánát láveje vanhemiid ovddas viehkat mohkiid, leaš go de buvddas viežžat helbon gálvvuid dege soapmásii dieđuid buktit. Oanehis julggiide vázzin ádjánii, muhto go spárkensiivu šattai, de lei beare suohtas daid mohkiiguin. Mis lei albma leahttu! Muhtomin vihken spárkkain gitta šattai albma leahttu, ja de gahppen spárkka nalli ja dovden biekka nieraid vuoste. Dálle mon ledjen geainnu gonagas.
Áibbas suohttaseamos lei spárkaráiddu reidet vulosluohkáid. Mis lei hui guhkes ja ceakkus skovláluohkká, ja doppe soittii measta balddehahtti gevret spárkentogain. Mii boagusteimmet ja čurvuimet, viegaimet spárkkaid johtui ja čierasteimmet. Mii geat aniimet spárkkaid, čohkkáimet nalde ja doalaimet gitta spárkkas ovdabealis, ja beare akta olmmoš stivrii duogábealde. Jos mis lei eahpelihkku, mii gárttaimet obbasii muohtasuovvan ja reaškkidettiin oaččuimet muohttaga sihke niskái ja sisa sojaide, ja lihkka beare reškkiimet. Jos lei albma buorre siivu, mii čierasteimmet áibbas gitta Oddvara buvdii, gonnes de fas luvviimet spárkkaid ja sahčiimet daid fas bajás luohká vai beasaimet aktii vel, ja fas aktii vel, čierastit, áibbas gitta lei áigi mannat ruoktut eahkesbiepmu boražit. Ii leat imálaš ahte nohkaimet nu buoragit dan maŋŋel, go leimmet stoahkan ja suohtastallan dearvvas ilmmis.
Go dal vas váksenolmmožin ohcan ovttos spárkka, muittut boahtigohtet, mánnávuoda spárkenealvámusat leat vevdán muitui. Diekkár muittut leat hávskkit.