Adveantakaleandar: Dorskeearri Norgga njuoskaguollesearvvis

Dán jagi adveantakalendera lea Beate Heide buvttadan NRK Sápmái.

Dorskefigura
Foto: Beate Heide

Mun lean okta sis geain lea nu lihkku ahte lean oddjon dorskeearri Norgga njuoskaguollesearvvis.

Dorskeearri Norgga njuoskaguollesearvvis

Nu go buot eará eriid, de ferte ohccát oaččut dán eari. Ruohkadin gal oaivvi veahá, ovdal sáddejin mannat ohcama, ja moadde beaivvi maŋŋel bođii dorskehámát bihpporgáhkkofoarbma boastta mielde. Dat mearkkaša ahte mis sáhttet guollegáhkut leat vel juovllaide ge. Mun dal nu liikon iežan dorskeearrái. Go mus lea dat de sáhttet mus leat gáhkut mat gullet daidda guovlluide. Sáhttán deaddit dorskit ovttas eŋgeliiguin, váimmuiguin ja gáhkkoádjáiguin ja de čiŋahit dorski gonagaslaččat, vilges gáhko sohkar čiŋain.

Dorskeearri muittuha mu ahte lean eret guovllus gos guolásteapmi lea dehálaš. Gos juohke jagi lea ráhkisvuođa gižžu, go gođđadorskit siiget Lofuhtii ja Viestterállasii gođđat.

Goikaduvvon dorski lea leamaš dehálaš gávpegálvu duháhiid jagiid ja gávppašeapmi lea váikkuhan viidát olggobealde riikarájiid.

Son guhte lohkka samegillii adveanttaraiddu

Anne Márja Guttorm Graven Lohkka sámegillii adveantaráiddu

Foto: Privat

Vikiŋgaáiggis lei goikeguolli buorre gávpegálvu. Álki fievrridit mielde, álki lonohallat gálvvuide maidda vikiŋggain lei dárbu. Bergen gávpot sáhttá giitiid davvi goikeguoli go lea šaddan nu stuorisin, dajai Erna Solberg 2015.

Lea maiddai boahtán ovdan, ahte vel Nidaros girku lea huksejuvvon ruđain maid leat dinen dorskin.

Ovdal reformašuvnna lei goikeguolli dehálaš miehtá Eurohpá, go girku gáibidii ahte olbmot fástudedje bearjadagaid, ja dalle fertejedje olbmot garvit bierggu. Dalle lei goikeguolli mii riba, hui vuogas.

Go dien láhkai geahčada ášši ja dorski ánsun, de lea beare čielga rehket ahte galget dulbet bihpporgáhkkodáiggi ja deaddit iežamet guovllu guolleforpmaid.

Dorskeeriid olbmuide DÁL!