Ådå suohkanijt la vejulasj vat sirádit
Vejulasj la ådå suohkanijt, ma esski lij avtastahtedum, ruoptoldit dagu åvddåla. Ráddidus la má girjev lågev suohkanijda sáddim, ma bákkoduvvin avtastahttet, ja javllam máhtti dal sirádahttemav gárvedattját. Dagu dal Hábmera suohkan Nordlándan. Valla vuojgge danna ij la sadjásis.
Suohkanoajvve Britt Kristoffersen javllá jus dat galggá jåhtuj biejaduvvat, de álgadibme viertti viesádijs boahtet.
Ja Divtasvuona mañemus suohkanoajvve Tor Asgeir Johansen javllá viesáda lullebielen ienemusát ájádalli dav juohkemsáhtsov mij dalloj biejaduváj, gåggu Divtasvuona suohkan juogeduváj.
– Divtasvuona suohkanav biosodit lej rudálasj gássjel. Diehtep dal Divtasvuona suohkan lij dal riek hállot, ja jus vat ruoptolt, de viertti ienep rudá suohkanijda juolloduvvat, jallá sån.