NRK Meny

Ådå suohkanij gárvedime

Barggijbelludahka la vuodov gárvedime gå ådå Áhkánjárga suohkan ásadalladuvvá. Da li belludagá ájrrasa Áhkánjárgas, Bálágis ja Divtasvuonas gudi lidjin tjoahken mánnodagá gånnå aj ådå nominasjåvnå- ja programmanammadus válljiduváj.
Roger Bergersen Áhkánjárgas dáv båddåsasj stivrav jådet, ja suv mañen la Stein Tore Auran ja Gro Hoseth Bálágis, Viggo Vikholt ja Emma Kristensen Divtasvuonas, ja de Tina Denstad Áhkánjárgas.