Ådå stivrrasebrulasj Árranij
Sámedigge l ådå stivrrasebrulattjav Árran julevsáme guovdátjij Hábmerin Nordlándan nammadam. Sámediggeráde nammadij tjåhkanimen javllamáno 6. biejve Inga-Lill Sundsetav stivrrasebrulattjaj Árrana vuododusáj.
Vuododusán la vihtta stivrrasebrulattja. Da gudi stivrrasebrulattjajt stivrraj nammadi li Sámedigge, Hábmera suohkan, Nordlánda fylkkasuohkan, bájkálasj sáme organisasjåvnå ja Árrana bargge.
– Ávon lav gå Sundset joarkká jådedittjat dáv guovdásj sáme dåjmadagáv, javllá Sámediggepresidænnta Silje Karine Muotka avijssaj Ávvirij.