– Daate uvtelasse vuesehte edtjieh åarjelsaemien gïelem girhkelidh. Daam tjoerem toelhkestidh nemhtie, dihte reereme ussjedamme daam onne gïelem jamkelidh. Åarjelsaemien gïele meatan daan UNESCO n læstosne goh akte dejstie unnemes gïelijste veartanisnie, Larsene jeahta.
Reeremen uvtelasse, staatenbudsjeedtesne vuesehte reereme edtja 3,3 millj kr spååredh jis Gaske-Nøørjen saemien skovlem steegkieh.
- Lohkh vielie daaroen gïelesne:
– Vihkeles maahtoejarngem dessieh.
Daan biejjien Gaske-Nøørjen Saemien skovle faala, maajh-øøhpetimmiem jih tjåanghkoe våhkoe dejtie sijjien learohkidie. Lehkie dejstie learohkijstie mij maajh- øøhpetimmiem Nøørjesne åadtjoeh, Gaske-Nøørjen skovlen tjirrh luhkieh.
Daate vihkeles maahtoe vaarjelidh, tuhtjie Larsen.
– Nåake jis vïenhtieh, maehtieh dagkeres byjreskem vihth buektiehtidh jis skovlem steegkeme, mij åtna dam saemien gïele, kultuvre jih maajh-øøhpetimmie maahtoem, Larsone jeahta.
Reereme sæjhta skovlem steegkedh, dannasinie eah leah naan learohkh mij jijtjege skovlesne vaedtsieh. Gaske-Nøørjen saemien skovle lea maajh-øøhpetimmiem jaepeste 2011 faaleme.
Maanah læjhkan reaktoem utnieh jih saemien gïele øøhpetimmiem åadtjodh.